“Dardanët” do ta kenë sfidën më të vështirë në kuadër të kualifikimeve për kampionatin evropian të vitit 2020.
Kosova do të jetë mysafire e kombëtares së Anglisë, me fillim në ora 20:45 në stadiumin e Southamptonit.
Sukseset e përfaqësueses sonë kanë bërë jehonë të madhe edhe në mediat ndërkombëtare, të cilat i kanë kushtuar raport special.
Në edicionin sportiv të rrjetit kabllor amerikan, CNN, është raportuar gjerësisht për të besuarit e trajnerit, Bernard Challendes, të cilët nuk kanë pësuar humbje në 15 ndeshjet e fundit duke u shndërruar në sensacion botëror.
Tashmë është raportua se Kosova do të hyjë në ndeshje me dy ndryshime në formacion gjersa anglezët me tri sosh.
Ndryshe, Anglia është lider i grupit A me nëntë pikë, përkatësisht ka një më tepër se Kosova e vendit të dytë.