Ambasadori amerikan ua thotë serbëve midis Beogradi: Kosova kurrë nuk do të jetë më pjesë e Serbisë

Ambasadori i SHBA-së në Beograd, Kyle Scott, ka deklaruar se popullsia e Kosovës kurrë më nuk do të jetë pjesë e Serbisë, shkruan Gazeta Metro.

Scott ka thënë se çështja e Kosovës është një prej pengesave kryesore për raportet ndërmjet Washingtonit dhe Beogradit.

‘Më pas kemi njohur pavarësinë e Kosovës. Në Serbi nuk pajtohen shumica, por unë jam i bindur që popullsia shqiptare e Kosovës kurrë nuk do të jetë pjesë e Serbisë”, ka thënë Scott derisa po merrte pjesë në një konferencë shkencore ndërkombëtare “ Marrëdhëniet Serbo-Amerikane”.

Scott ka rikujtuar atë që regjimi i Sllobodan Millosheviqit ka bërë gjatë viteve të ’90-ta kundër civilëve të pafajshëm në Kosovë, dhe vendimin e NATO-s për të larguar ushtrinë serbe nga Kosova.