Ministri i Jashtëm në detyrë, Gent Cakaj ka treguar se ka ushtruar detyrën e tij për të votuar si qytetar i Kosovës, mirëpo nuk ka rënë pre e provokimit të një gazetari kur është pyetur nëse ka votuar për Albin Kurtin, shkruan Gazeta Metro.
Cakaj foli edhe për votën e tij në zgjedhjet e parakohshme të Kosovës më 6 tetorit si qytetar i saj.
Pas një provokimi nga gazetari Sokol Balla se ndoshta vota e tij shkoi “dëm” duke aluduar se nuk ka votuar për Albin Kurtin, Cakaj tha se vota e tij është e fshehtë dhe se mirëkupton provokimin e tij me pyetjen.
Cakaj megjithatë shtoi se Albin Kurti është i mirëseardhur në Tiranë dhe bashkëpunimi institucional duhet të thellohet edhe më shumë mes dy vendeve.
“Votimi në Kosovë? Votën time nuk mund ta zbuloj. Jemi në dispozicion për të thelluar bashkëpunimin me Kosovën. Albin Kurti është i mirëseardhur në Tiranë dhe dyert e institucioneve janë të hapura për të”, tha Cakaj.