Ish-zëvendëskryeministri Haki Abazi, për herë të parë i ka dalur në mbrojtje presidentit Hashim Thaçit dhe kryetarit të PDK-së, Kadri Veselit.
Ai përmes një reagimi në Facebook, ka shkruar se luftëtarët e UÇK-së nuk mund të vendosen në bankën e të akuzuarve.
“UÇK kurrë nuk mund të vendoset në bankën e të akuzuareve sepse vullneti e guximi i kombit tonë për liri nuk mund të gjykohet e as të akuzohet. Lufta për liri është e drejtë e jona ashtu siç edhe e drejta për të qenë bashkë”, ka shkruar Abazi.
Ky reagim ka ardhur pasi Gjykata Speciale ka ngritur aktakuzë ndaj Thaçit dhe Veselit, për më shumë se 100 vrasje.
Sipas Speciales, viktimat janë të identifikuara dhe në mesin e tyre bëjnë pjesë: shqiptarë, serbë dhe romë të Kosovës, si dhe kundërshtarë politikë.