Alarmante 14 viktima nga koronavirusi në 24 orët e fundit në Kosovë

14 persona kanë vdekur si pasojë e infektimit me koronavirus gjatë 24 orëve të fundit në Kosovë.

Lajmin e ka bërë të ditur Instituti Kombëtar i Shëndetësisë Publike përmes një postimi në faqen zyrtare në Facebook.

“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 506 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 172 raste pozitive. Brenda 24 orëve janë raportuar 14 raste të vdekjes me SARS CoV-2 pozitiv”, njofton IKSHPK.