Ukraina dhe populli i saj presin që Serbia të dënojë vendimin e djeshëm të Federatës Ruse, tha ambasadori në largim i Ukrainës në Serbi, Oleksandr Aleksandroviq.
Ai këtë kërkesë e bëri në mediumin serb H1 mëngjesin e së martës, raporton Danas.
- Advertisement -
Aleksandroviq iu është shprehur Vuçiqit, meqë ky i fundit tha se Serbia mbështet sovranitetin territorial të Ukrainës.“Kjo është e mrekullueshme, sepse Ukraina respekton sovranitetin territorial të Serbisë, përfshirë Kosovën.
Por është e rëndësishme që të hidhet hapi i dytë, sepse sjellja e djeshme e Putinit është drejtpërdrejt kundër sovranitetit dhe integritetit territorial të Ukrainës”, tha ai.
Ai iu referua deklaratës së mbrëmshme të Vuçiqit, i cili tha se këto ngjarje po shkatërrojnë të gjithë arkitekturën politike dhe të sigurisë në botë.
- Advertisement -
“Jam dakord me këtë. Por Federata Ruse është i vetmi vend që po e shkatërron atë arkitekturë sigurie”, përfundoi ai.