Anëtari i Lëvizjes Vetëvendosje në Kamenicë, Shkumbin Demolli, ka njoftuar se është marrë vendim që reforma e kryetarit të Kamenicës, Qëndron Kastratit, është pezulluar.
Ai thotë se vendimi për këtë është marrë sot, duke shtuar se me ministren e re që vije nga LDK-ja, Hykmete Bajramin, do të kthehet shpresa e banorëve të Kamenicës, shkruan Reporteri.net.
“Krilevë, Strezovc, Busavat, Koretin, Topanicë edhe disa fshatra tjera ,kanë me i pas edhe shkollat e reja. Pezullimi i reformes së Kastratit është marrë vendim sot. Së bashku me Ministren kemi me ja kthy shpresen banorëve në Kamenicë”, ka shkruar Demolli.
Vlen të theksohet se Demolli kishte qenë kandidat për deputet në partinë e MIlaim Zekës, por u largua nga aty në fund. Ai aderoi në NISMA, ku nuk qëndroi gjatë, për të kaluar në VV.