Avoakti, Arianit Koci, me anë të një shkrimi në Facebook ka kritikuar Dhomat e Specializaura për mungesën informacioni sa i përket aktakuzave në rastin e presidentit Thaçi.
Koci thotë se tashmë ky afat 6 mujor ka përfunduar dhe se presidentit Thaçi po i shkelen të drejtat e njeriut.
“Qytetarët e Kosovës duhet të informohen urgjentisht se çka po ndodh me presidentin e tyre” shkruan Koci në Facebook.
Postimi i plotë:
Nuk po tregohet as respekti minimal ndaj qytetarëve të Kosovës, ndaj figurës së Presidentit të të Kosovës, e as ndaj z. Hashim Thaçi si individ, me faktin që Dhomat e Specializuara nuk japin informata se çka po ndodh me aktakuzën e deponuar me 24 prill 2020.
Afati gjashtë mujor ka skaduar!
Një popull i tërë po mbahet peng!
Në anën tjetër, z. Thaçi po i shkelen të drejtat e njeriut në mënyrë brutale.
Po bëhen dhjetë vite që kur kanë filluar hetimet – njëherë nga senatori Dick Marty, e pastaj nga task forca e ambasadorit Clint Williamson.Qytetarët e Kosovës duhet të informohen urgjentisht se çka po ndodh me presidentin e tyre.
Përndryshe, do të humbet besimi ndaj kësaj gjykate.