Avokati serb Bozho Preleviq tha se të gjitha hulumtimet relevante, siç tregohet nga referendumi për ndryshimin e kushtetutës, konfirmojnë se po bie ‘rejtingu’ i presidentit serb Aleksandar Vuçiq, duke thënë se “fabrikimi i atentatit ndaj tij, prania e tij e vazhdueshme në të gjitha mediat, shkaktuan një ngopje të tillë, sepse njerëzit e panë që kjo nuk ishte e vërtetë.”
“Presidentin e kemi vetëm në media, nuk e kemi në shtet. Presidenti sulmohet dhe mbrohet vetëm në media, pushtetin e merr nga media. Nëse programi zhduket, ai nuk do të dinte çfarë të bënte. Meqë ra fjala, nuk e di as kur e bëjnë punën e tyre nëse janë vazhdimisht në televizion. Njëzet vjet më parë isha ministër dhe nuk e dija se ku duhet të shkoja më parë. Ai nuk ka asgjë tjetër prioritet veçse të jetë edhe më shumë në media”, ka thënë Preleviq për numrin e ri të të përjavshmes Vreme.
Siç deklaroi ai, sa më shumë që Vuçiqi të jetë në media, “aq më shumë njerëzit mendojnë për të dhe për atentatet e tij të sajuara, vr e sajuara”..
Duke iu përgjigjur ndërhyrjes së gazetarit se “këtë gjoja e ka raportuar Europoli”, Preleviq tha: “Por ia ka raportuar ministrit të Brendshëm, kur vazhdimisht i leh qenit zyrtar, i cili leh vetëm kur ndjen erë droge”.
“A e kuptoni kush e solli këtë lajm? Kjo është fortesa dhe qëndrueshmëria e atij lajmi. Ne nuk kemi parlament, nuk kemi media, ministër të Brendshëm, Kryeministër – kemi vetëm një person. Të gjithë po e mbrojnë këtë person, jo sepse e duan, por sepse e gjejnë interesin në të, për t’i bërë punët e tyre korruptive”, tha Preleviq.