Kryeparlamentarja Vjosa Osmani dhe Lidhja Demokratike e Kosovës (LDK) kanë mos pajtime, por kjo nuk do të thotë se ajo duhet të largohet nga partia.
- Advertisement -
Osmani votoi kundër rrëzimit të Qeverisë Kurti, mocion të cilin e inicioi LDK, pjesë e së cilës është edhe vetë.Por, kjo dhe vendime tjera të partisë kundër të cilave doli ajo, duket se janë pjesë e politikave të buta të LDK-së.
E të paktën kështu thotë Avdullah Hoti, kryeministri i Kosovës, i cili vjen nga partia që i takon edhe Vjosa Osmani.Ndërsa kjo e fundit u shkarkua nga pozitat e larta partiake, Hoti nuk e sheh këtë si problem për një largim të mundshëm.“As anëtari më i thjeshtë nuk duhet të largohet nga LDK-ja, e lëre më Vjosa Osmani”, ka thënë Hoti në DebatPlus të TV Dukagjinit.