Boksieri shqiptar që jeton në Vjenë, Bernardin Jakaj, do të përballet me boksierin serb, Marko Nikolic, më 24 mars, në shtetin e Austrisë, në afërsi të Vienës, përcjell albinfo.at.
Ndërkohë, promoteri i boksierit shqiptar, Bernardin Jakaj, Shpëtim Shala, ka folur në lidhje me këtë meç, ku tha se edhe e ka organizuar me lehtësi.
“Nuk ka qenë shumë e lehtë, pasi që me menaxhmentin e Nikolic kam negociuar edhe vitin e kaluar, për meçin e fundit të Bernardinit që e ka zhvilluar në nëntor për titullin IBO Continental. Kësaj here kemi arritur marreveshje më lehtë, pasi që kundërshtarit i kemi ofruar një honorar mjaft të mirë”, tha fillimisht Shpëtim Shala për ‘GazetaBlic.
Sipas Shalës, ky meç do të jetë një tregues i vërtetë për formën dhe cilësitë e Bernardin Jakajt, pasi kundërshtari ka bagazh të madh.“Ky do të jetë një test i vërtetë për Bernardinin. Nikolic ka një bagazh me 30 fitore dhe vetem dy humbje, dhe gjithashtu është ish-kampion i dyfishtë WBC Mediterranean. Por, unë besoj në aftësitë e Bernardinit dhe mendoj se do të triumfojë”, potencoi ai.
Kujtojmë se Jakaj në 13 meçet e zhvilluara deri më tani, i ka të gjitha fitore, tetë prej tyre me K.O., teksa nuk njeh humbje.