Në një intervistë më gazetarin politik të ABC News-it, George Stephanopulos, presidenti i SHBA-së Joe Biden beson se Vladimir Putini është një “vr.asës”.
Pyetja e tij vjen pas një hetimi federal për sulmet kibernetike të lidhura me Rusinë dhe një raport të inteligjencës që lidh Kremlinin me ndërhyrjet në zgjedhjet amerikane duke promovuar Donald Trumpin dhe teoritë e konspiracionit të krahut të djathtë në një përpjekje për të diskredituar Bidenin.
I pyetur nëse ai beson se Putini është një “vr.asës” në një intervistë të regjistruar paraprakisht që u transmetua të mërkurën, presidenti u përgjigj: “Po.”
“Do ta shihni që ai do të paguajë shumë shpejt çmimin”, tha ai.
Sipas një raporti, të publikuar të martën nga Zyra e drejtorit të Inteligjencës Kombëtare, presidenti rus Vladimir Putin autorizoi operacione ruse për të ndihmuar Donald Trumpin në zgjedhjet presidenciale të nëntorit të kaluar.
Këto përfshinin përpjekjet nga Irani për të minuar besimin në votime dhe për të dëmtuar rizgjedhjen e Trumpit, si edhe operacionet e Moskës që mbështeteshin te aleatët e Trumpit për të ndryshuar rezultatin e zgjedhjeve.