Presidenti amerikan, Joe Biden, ka vizituar sot trupat amerikane që gjenden në qytetin polak pranë kufirit me Ukrainën.
Ai iu drejtua atyre duke folur edhe për shërbimin e djalit të tij në Kosovë.
Biden u takua me dhjetëra ushtarë gjatë një vizite të realizuar më 25 mars në Rzeszow, që gjendet më pak 160 kilometra larg bazës ushtarake në perëndim të Ukrainës, në vazhdën e vizitave të tij në Europë.
Mijëra trupa amerikane janë të stacionuara në Poloni si pjesë e batalioneve të NATO’s, ndërsa së fundmi Amerika i shtoi forcat atje, pas agresionit rus ndaj Ukrainës.
“We are the organizing principle for the rest of the world.”
President Joe Biden delivers remarks to US troops in Poland as the Russia-Ukraine conflict continues. pic.twitter.com/F1IxWmM8HV
— CNN (@CNN) March 25, 2022
“Jeni një grup i mrekullueshëm i grave dhe burrave dëshiroj t’ju falenderoj për sakrificën tuaj”, u tha Biden ushtarëve.
Ai e përmendi edhe birin e tij të ndjerë: “Biri im ishte në Irak dhe 6 muaj në Kosovë. Ishte krenar me uniformën që mbante”
“U paraqit vullnetar ashtu si ju”, tha presidenti Biden në Poloni.
Për shkak të luftimeve, pothuajse 4 milionë civilë janë larguar nga Ukraina, ku shumica prej tyre janë larguar drejt shtetit polak.