Kryeminsitri i Fixhit, Frank Bainimarama, është bërë lideri i parë botëror që ia ka uruar zyrtarisht fitoren kandidatit demokrat për president të ShBA-së, Joe Biden.
“Urime, Joe Biden. Së bashku, kemi një planet për ta shpëtuar nga emergjenca klimatike dhe një ekonomi globale për ta ndërtuar më mirë nga COVID-19”, shkroi ky politikan në llogarinë e tij zyrtare në Twitter.
Congratulations, @JoeBiden.
Together, we have a planet to save from a #ClimateEmergency and a global economy to build back better from #COVID19.
Now, more than ever, we need the USA at the helm of these multilateral efforts (and back in the #ParisAgreement — ASAP!) pic.twitter.com/mhX9HWR5HI
— Frank Bainimarama (@FijiPM) November 7, 2020
“Tani, më shumë se kurrë më parë, na nevojiten Shtetet e Bashkuara në krye të këtyre përpjekjeve shumëpalëshe (dhe kthimi në Marrëveshjen e Parisit – sa më shpejt që është e mundshme)”, përfundon postimi i kryeministrit të shtetit të vogël.
Ndryshe, kryeministri djathtist slloven, Janez Jansa, këtë javë u bë lideri i parë i huaj që e uroi Trumpin për fitore në zgjedhje, ndonëse rezultati aktual nuk tregon një gjë të tillë dhe asgjë nuk është zyrtare përfundimisht.
Liderët e vendeve të mëdha kanë ngurruar që të dalin haptazi në përkrahje të ndonjërit kandidat në zgjedhjet e ShBA-së, duke deklaruar me diplomaci që do të bashkëpunojnë me secilin që fiton.