Diplomati suedez, Carl Bildt, e ka bërë një postim në Twitter, ku e ka krahasuar humbjen e serbëve në Betejën e Kosovës me një humbje të suedezëve kundër Rusisë në shekullin e tetëmbëdhjetë.
“Një ditë e betejave historike. Shumë serbë janë ende të shqetësuar për humbjen e tyre në Betejën e Kosovës, por ju do ta kishit vështirë të gjeni ndonjë suedez që vërtet mërzitet për humbjen në Poltava më shumë se treqind vjet më vonë”, shkroi ai në Twitter.
A day of historic battles. Many Serbs ?? are still agitated over their loss in the Kosovo battle, but you would be hard pressed to find any Swede ?? who really cares about the loss at Poltava more than three hundred years later. pic.twitter.com/6FqDYR03Mo
— Carl Bildt (@carlbildt) June 28, 2020
Beteja e Poltavës ishte zhvilluar më 8 korrik 1709. Në të, Peteri i I-rë i Rusisë kishte shënuar fitore të rëndësishme kundër Perandorisë Suedeze të asaj kohe.
Në këtë betejë, suedezët kishin më pak trupa pasi ushtria e tyre i kishte rreth 24,000 pjesëtarë, të cilët përballë kishin mbi 51,000 luftëtarë rusë.
Në Betejën e Poltavës ishin vrarë e plagosur rreth 6,900 suedezë, ndërsa 2,800 ishin zënë robër. Historianët besojnë se kjo betejë shënon fillimin e rënies së Perandorisë Suedeze si fuqi e madhe evropiane.