Kompania Cobra Biologics ka njoftuar të martën se ka nënshkruar marrëveshje me AstraZeneca për të prodhuar vaksinën për COVID-19, me qëllimin që kjo vaksinë potenciale të prodhohet për Britaninë në muajin shtator, raportoi Reuters të martën.
Cobra është kompania e parë e cila nisi punën në prodhimin e vaksinës, e cila fillimisht u zhvillua nga Universiteti i Oxfordit, transmeton KOHA.
- Advertisement -
Vaksina tani njihet si AZD1222 pasi që kompania farmaceutike AstraZeneca i bashkoi forcat me universitetin për ta zhvilluar, prodhuar dhe shpërndarë vaksinën potenciale.
Në muajin maj, drejtori ekzekutiv i Cobra Biologics pati thënë se janë të gatshëm të prodhojnë 1 milion doza vaksine në muaj.
“Cobra së bashku me anëtarët e saj, do të prodhojë vaksinën dhe furnizimet e para do të nisin në Britani në shtator të vitit 2020″, ka thënë kjo kompani në një deklaratë.