COVID-19: Numër i vogël i të vaksinuarve, ja sa persona rezultuan pozitiv me virus në Kosovë

Në 24 orët e fundit në Kosovë janë regjistruar edhe 16 raste të reja me COVID-19, ndërkaq nuk është raportuar për ndonjë rast vdekjeje nga ky virus.

Sot janë shëruar 25 qytetarë, derisa numri i përgjithshëm i të shëruarve është 224 mijë e 267.

Prej fillimit të vaksinimit në të gjitha qytetet e Kosovës janë dhënë 1.824.575 doza të vaksinës.

Deri më sot 821 mijë e 438 qytetarë janë vaksinuar me dozën e dytë dhe 100 mijë e 906 të tjerë me doza përforcuese dhe doza të treta të vaksinës kundër COVID-19.

Në total numri i rasteve aktive është 472.