Kryetarja e Komisionit Qendror të Zgjedhje, Valdete Daka, ka lëshuar sërish mbledhjen me arsyetimin se sjelljet e anëtarit të Vetëvendosjes, Sami Kurteshi, nuk ishin në nivelin e duhur.
“Mbledhjet tona janë shndërruar në diçka që kurrë s’kanë qenë duke iu falënderu Sami Kurteshit”, ka thënë Daka.
“Boll ma me këto sjellje që nuk janë në nivel”, i ka thënë Daka Kurteshit.
“Konsideroj që mbledhja nuk mundet me vazhdu për shkak të sjelljes së Kurteshit”, ka thënë Valdete Daka dhe më pas të gjithë e kanë lëshuar mbledhjen.
“Ne kemi me fitu dhe e bëjmë pushtetin por mos ndërhyni kur flasim unë dhe zotëri Rama se kjo është arsyeja që i keni humbur zgjedhjet me këtë mediokritet. Unë po diskutojë për dokumentet dhe ligjet që i kemi para. Ju po shkeli të drejta, të trajtohet të gjithë ata njerezë që ju është shkelë e drejta e kundërshtimit dhe apelit. Ju ka shkelë njerëzve të drejtën e ankesës. E kemi shkelë planin operacional”, ka thënë Kurteshi.
Po ashtu edhe Eshref Arifi ka kërkuar që të mos ulet niveli i diskutimit në këtë mbledhjen.
“Mos të ulet takimi i KQZ-së. Nuk dihet ku jemi. Kemi pika vendimmarrëse për administrimin e procesit zgjedhor. Kemi rregulla dhe ligje. Mos të bëhet presion administratës”, ka thënë Arifi.“39 fletëvotime në një zarf çfarë i thonë kësaj pune”, ka thënë anëtari i PDK-së, Arianit Elshani.