“Dëgjo këtu ti pede*ast m*ti”.
Kështu është sharë një nga deputetët e Kuvendit teksa ka qenë duke marrë pjesë në Komisionin për Integrimin Europian ditën e djeshme ku është miratuar projekt- rezoluta “Për hapjen e negociatave të anëtarësimit të Republikës së Shqipërisë në Bashkimin Europian dhe miratimin e planit të masave për përmbushjen e përparësive të përcaktuara nga Këshilli i Bashkimit Europian”.
Ky moment i sikletshëm është shënuar teksa kryetarja e Komisionit, Rudina Hajdari po bënte apelin në takimin e zhvilluar online.
Në pamjet e komisionit duket vetëm Hajdari, por për një moment ndizet një nga mikrofonët e deputetëve dhe dëgjohet që dikush i thotë “Dëgjo këtu ti pederast m*ti”.
Kurse përgjigja e deputetit është: “Pse ça bëra unë?”. Nga videoja nuk kuptohet se cili ishte deputeti që mori këtë të sharë, por si duket ajo i erdhi nga telefoni. Ky moment ka vënë siklet Hajdarin e cila është shtangur dhe ka kafshuar buzën nga sikleti.