Kosova ndodhet në gjendje të rëndë e në rreth vicioz prej vitesh, duke ngecur në zhvillim e edhe duke mbetur vend i izoluar. Për këtë nuk mund të thuhet se është e dënuar nga Zoti. Gjendja në të cilën ndodhet, është reflektim i politikës e cila e drejton këtë shtet.
Në Kosovë, ka përfaqësues të popullit, në institucionin më të lartë shtetëror, në Parlament, që kanë probleme elementare edhe në lexim. Niveli i tyre, fatëkeqësisht është nën atë të një nxënësi të klasës së katërt të shkollës fillore, shkruan reporteri.net.
Këtë më së miri e dëshmon deputeti i partisë NISMA, Haxhi Hoti. Artikulimi i tij përveç se nuk arrinë të bëhet pa letër, edhe ajo kur lexohet, deputeti Hoti, ka probleme të mëdha në lidhjen e fjalive, e shpesh nuk din as t’i shqiptojë drejtë fjalët e shkruara në letër.