Serbët e Komunës së Shtërpcës, nuk po e respektojnë vendimin e autoriteteve kosovare për kufizimin e masave për shkak të koronavirusit, shkruan Gazeta Blic.
Sonte, në një pjesë të këtij qyteti, është organizuar një dasmë, në mesin e shumë personave.Në një video të siguruar nga Gazeta Blic, shihen dasmorët, teksa festojnë të bashkuar me këngë serbe.
Ky veprim aktualisht nuk lejohet nga ana e autoriteteve shtetërore të Kosovës, për shkak të rrezikut nga virusi COVID-19.
Për qëllim të parandalimit të këtij virusi, që një kohë të gjatë nuk janë lejuar mbajtja e ahengjeve dasmore.Madje, në një konferencë për media, Ministri në detyrë i Shëndetësisë, Arben Vitia, ka paralajmëruar se ekziston mundësia që dasma e ditëlindje nuk do të mund të festohen deri në fund të këtij viti.