Deputeti i ri i Vetëvendosjes, Mefail Bajqinovci ka publikuar një fotografi të një punëtori të Korporatës Energjetike të Kosovës, i cili punon në kushte të rrezikshme për jetën e tij.Përmes një postimi në Facebook, ai ka thënë se duhet t’u bëhet një zgjidhje këtyre punëtorëve.
Ai thotë se duhet parë se a janë diskriminuar ata gjatë hartimit të Ligjit të ri për Pagat.
Postimi i plotë:
Ky është një punëtor i KEK’ut që punon në kushte të rrezikut të përhershëm për jetën e tij. Kjo është dëshmi e qartë se shumë punëtorë të kësaj koorporate, nga rreziqet dhe lëndimet me fatalitet, janë të ekspozuar rrezikut për jetën. 43 punëtor kanë vdekur nga lëndimet në vendin e punës, ndërsa qindra kanë vdekur nga sëmundjet që i marrin nga vendi i punës dhe kushtet e rënda aty. Duhet mobilizim e përkushtim për t’i mbrojtur të drejtat dhe interesat e këtyre punëtorëve të njohura me legjislacionin e punës, e cfarë ka ndodhur me këta punëtorë, është se janë diskriminuar rëndë gjatë hartimit të Ligjit për Pagat.