Kryeministri i Kosovës, Albin Kurti dhe zëvendësi i tij, Besnik Bislimi më 28 dhe 29 prill të këtij viti kanë qëndruar në Bruksel, ku kanë zhvilluar disa takime zyrtare.
Por, për këto dy ditë Kurti dhe Bislimi kanë bërë edhe disa shpenzime, për hotel, avion e mëditje.
FaktePlus përmes një kërkesë zyrtare ka siguruar edhe disa nga shpenzime që i kanë bërë Albin Kurti dhe Besnik Bislimi.
Siç është njoftuar nga zyra e kryeministrit, ata për dy ditë kanë shpenzuar 1 mijë e 840 euro.
Ajo që bie në sy në këto shpenzime është se si Besnik Bislimi ka shpenzuar më shumë para se sa shefi i tij, Albin Kurti.
“Albin Kurti ka shpenzuar në akomodim 420 euro, kurse për bileta 397 euro. Gjithsej 817 euro e 97 cent. Ndërkaq, Besnik Bislimi ka marrë mëditje 355 euro, ka shpenzuar në akomodim 390 euro dhe 277 euro në bileta. Në total ka shpenzuar 1 mijë e 22 euro e 59 cent”, ka treguar zyra e kryeministrit.
Mirëpo, kjo zyre nuk i ka treguar të gjitha shpenzimet që janë kërkuar nga FaktePlus.
Në kërkesën që ka dërguar redaksia janë kërkuar edhe faturat e shpenzimeve për dreka dhe darka. Po ashtu është kërkuar edhe fatura për shpenzimet që kanë bërë stafi përcjellës që kanë qëndruar në Bruksel.
