Gjatë ditës së diel në Bruksel pritet që të vazhdojnë bisedimet mes zyrtarëve kosovarë dhe atyre serbë.
Lajmi është bërë i ditur nga zëdhënësi i BE’së, Peter Stano i cili në ka thënë se të dielën vazhdojnë bisedimet ku do të diskutohet për temat e ngirutra në takimin e fundit mes kryeministrit e presidentit.
“Diskutimet do të vazhdojnë mbi temat e ngritura në takimin e fundit politik të nivelit të lartë. Këto janë marrëveshje mbi komunitetet jo-shumicë dhe zgjidhjen e pretendimeve të ndërsjella financiare dhe pronës, e cila është deri në një marrëveshje ligjërisht të detyrueshme,” tha Stano.
Kujtojmë se Kryeministri Hoti dhe presidenti Vucic udhëtuan për në Bruksel bashkë me delegacionet, menjëherë pas nënshkrimit të marrëveshjes në SHBA.
Nga atje, zyrtarë kosovarë kanë thënë se i është hapur rrugë çështjeve që sjellin njohjen e ndërsjelltë mes dy vendeve.