Një mërgimtar mbrëmë ka shkuar me urgjencë në Qendrën Klinike të Mjekësisë Familjare (QKMF), në Deçan, pasi që kishte pirë mbi 30 pije energjike Red Bull.
Burime të Metros brenda QKMF në Deçan bëjnë me dije se mbrëmë një mërgimtar ka kërkuar ndihmë pasi që kishte pirë mbi 30 pije energjike Red Bull.
- Advertisement -
Këto burime kanë bërë të ditur se personi është jashtë rrezikut për jetë, pasi që ky numër i madh i pijeve energjike mund t’i shkaktonte ndonjë pasojë më të rëndë në shëndet.
Ndërkaq nuk është bërë e ditur identiteti i personit.
Disa studime shkencore të pavarura kanë zbuluar se pijet energjike shkaktojnë dëme serioze tek njerëzit.
Dëmet prekin ata që janë të predispozuar të preken nga sëmundjet kardiovaskulare.
- Advertisement -
Pijet energjike përmbajnë shumë sheqer, kafeinë dhe taurinë. Ato konsiderohen si stimulantë që dihet të kenë një efekt të dëmshëm për trurin.