Edhe një parti tjetër në Kosovë po kërkon që vendi të shkojë në zgjedhje sa më parë

Aleanca Kosova e Re po kërkon që vendi të shkojë në zgjedhje, pa vonesë, si dhe para kësaj të zgjedhet presidenti.

Jetlir Zyberaj, këshilltar i kryetarit Behgjet Pacolli, ka thënë se qeveria aktuale ka humbur sensin e vazhdimit tutje.

“Para zgjedhjeve, partitë parlamentare duhet të zgjedhin një President i cili mund të unifikojë skenën politike dhe të shmangë një krizë kushtetuese vitin e ardhshëm.”, ka shkruar tutje ai.

Postimi i plotë:

Vendi duhet të ketë në të ardhmen e afërt, pa vonesë, zgjedhjet parlamentare.

Kjo qeveri ka humbur sensin e vazhdimit në këtë mënyrë.

Para zgjedhjeve, partitë parlamentare duhet të zgjedhin një President i cili mund të unifikojë skenën politike dhe të shmangë një krizë kushtetuese vitin e ardhshëm.

Përndryshe, vitin e ardhshëm, Kosovën e pret një krizë e thellë politike dhe ekonomike.