Rusia ka paralajmëruar se Evropa do të ‘zhduket’ në një apokalips bërthamor. Ky është më i fundit në valën e kërcënimeve të Kremlinit drejt botës Perëndimore, të cilët i kritikon për furnizimin e Ukrainës me raketa.
Këtë herë ka qenë Viacheslav Volodin, kreu i rajonit Duma që suImoi pasi ish-ministri i Jashtëm i Polonisë Radoslav Sikorski tha se aleatët perëndimorë mund të dërgojnë më shumë armatime në Kievin e rrethuar prej disa muajsh.
Sikorski pretendoi se Vladimir Putin kishte shkelur Memorandumin e Budapestit mbi Garancitë e Sigurisë të vitit 1994, i cili justifikon dërgimin perëndimor të armëve bërthamore. Ai i tha kanalit ukrainas Espreso TV se furnizimet do t’i jepnin Ukrainës mundësinë për të mbrojtur pavarësinë e saj.
Në krahun tjetër, Volodin kritikoi vërejtjet, duke shkruar në Telegram sipas The Sun: “Me deputetë të tillë, evropianët do të kenë probleme shumë më serioze se ato me të cilat janë përballur tashmë sot (refugjatët, inflacioni rekord, kriza energjetike).
“Sikorski po provokon një konflikt bërthamor në qendër të Evropës. Ai nuk mendon as për të ardhmen e Ukrainës, as për të ardhmen e Polonisë. Në rast se sugjerimet e tij do të përmbushen, këto vende do të pushojnë së ekzistuari, ashtu si edhe Evropa. Sikorski dhe të ngjashmit me të janë arsyeja pse Ukraina jo vetëm që duhet të çlirohet nga ideologjia naziste, por edhe të çmilitarizohet, duke siguruar statusin e vendit pa armë bërthamore”, shtoi Volodin më tej.
Ndërkohë, Ukraina ka bërë thirrje për më shumë armatime, por Perëndimi ka hezituar mes paralajmërimeve ruse dhe luftës së ashpër në Donbas. “Vendit i nevojiten 1000 aviatorë, 500 tanke dhe 1000 dronë mes armëve të tjera të rënda”, tha të hënën këshilltari presidencial Mykhailo Podolyak.