Kryetari i partisë Republikane të Kosovës, Faton Kurti, ka reaguar ndaj deklaratave të presidentit turk Erdogan dhe atij serb, Vuçiq.
Ky reagim i Kurtit vjen pas lajmeve se Erdogan po lobon për njohjen e Kosovës, kurse Vuçiq ka thënë se Kosova i takon Serbisë.
Sipas Kurtit, Kosova nuk është as tokë serbe e as turke, por tokë arbërore shqiptare shekullore.
Ai thotë se në agjendën e Kosovës është ribashkimi Kombëtar, kurse pavarësia e Kosovës tashmë është realitet.
Reagimi i plotë:
Sipas portaleve desinformative thuhet se kinse: “Erdogani po lobon për njohjen e Kosovës kurse Vuçiqi thotë se Kosova i takon Serbisë”!
Unë ju them se në agjendën tonë është Ribashkimi Kombëtar se pavarësia e Kosovës tanimë është realitet.
Kosova nuk është as tokë Serbe dhe as Turke por tokë Arbërore Shqiptare shekullore.
I them Vuçiqit dhe Erdoganit të mos mbajnë kokëçarje për tokat tona dhe tanimë ato duhet të Ribashkohen.
Radhën e ka RIBASHKIMI KOMBËTAR,
“ÇFARË ISHTE BASHKË DUHET TË BËHET SËRISH BASHKË”.
Të gjithë ata shqipfolës që nuk e mbështesin këtë obligim historik të Kombit tonë duhet të largohen me votë nga politika dhe vendimmarrjet.