Gazeta serbe ka shkruar se kryeministri i Kosovës, Albin Kurti ka deklaruar se “dialogu me Beogradin duhet të bazohet në katër parime prej të cilave e para është njohja e pavarësisë së Kosovës, por hedh poshtë bisedën për Asociacionin e komunave”.
Si parime tjera të Kurtit numërohet: “Beogradi duhet të pranojë krimet e kryera në Kosovë, dialogu të bazohet në ‘barazinë e dy palëve’ dhe dobi nga dialogu të kenë qytetarët e jo politikanët”.
Këtë Kurti e tha në bisedë me Fondacionin për Shoqëri të Hapur të Kosovës (KFOS) ku shtoi se këto katër parime me të cilat duhet të udhëhiqet dialogu me ndërmjetësimin e BE-së.
Ai ka theksuar se administrata e re në Prishtinë duhet të vlerësojë situatën para vazhdimit të dialogut, që duhet të përgatitet mirë për të evituar mossuksesin e ri.
“Ajo për të cilën duhet të përgatitemi është çështja e pagjeturve. Serbia ka të dhëna që mund të ndihmojnë zgjidhjen e fatit të personave të pagjetur. Në Beograd kanë të dhëna dhe arkiv”, tha Kurti.
Lidhur me Asociacionin e komunave serbe, ai shtoi se secila organizatë duhet të jetë në harmoni me Kushtetutën dhe hodhi poshtë bisedat për formimin e saj.
“Mund të ekzistoj asociacioni i komunave për malet e Rugovës, Sharrit, të lumit Lepenc, por nuk mund të ketë asociacion të bazuar në vetëm një etnitet”, tha Kurti