Gazetari Bajrush Morina është përfshirë në debatin Haradinaj-Hoti për shuarjen e task forcës antikorrupsion në Policinë e Kosovës.
Morina ka thënë se lideri i AAK’së po hanë me dy lugë pasi në njërën anë po qëndron në Qeveri me Ministrat e AAK’së e në anën tjetër po i konteston vendimet e po të njëjtit institucion.
“Nuk po e kuptoj Ramushin: E kritikon Qeverine Hoti, e ministrat e tij i votojne te gjitha vendimet e Qeverise! Tash a eshte Ramushi ende kryetar i AAK-se apo ministrat e tij i kane dale prej dore (prej AAK-se) ? Hipokrizi, me perkthy shqip i bjen: Me hanger me dy luge!”, ka shkruar Morina, në një reagim në FB.
Ndryshe, lideri i AAK’së duke i reaguar Kryeministrit ka thënë se sa herë Kushtetuta është respektuar për një parti ka dalë keq.
“Gjatë jetëgjatësisë së demokracisë së vendit tonë, sa herë që Kushtetuta e Republikës është zbatuar për interesat e një partie të caktuar, ka dalë të jetë e gabuar”, ka thënë ai.
Reagimi i Haradinajt erdhi pasi Hoti tha se politika nuk duhet të përzihet në drejtësi dhe duhet të respektohet kushtetuta edhe sa i përket policisë.
“Politika nuk duhet të përzihet në drejtësi. Këtë e kemi bërë me vendimet që kemi marr në këta muaj të qeverisjes. Drejtësia duhet ta bëjë punën sipas ligjit, e jo sipas vendimeve të Qeverisë. Kthimi i ligjshmërisë dhe kushtetutshmërisë në vend duhet të jetë angazhim i të gjithëve”, ka shkruar Hoti, në një reagim.
https://www.facebook.com/RamushHaradinajOfficial/posts/2186915708099498
“Siguria juridike garantohet vetëm duke respektuar Kushtetutën, ligjet dhe institucionet shtetërore”, ka shtuar ai.
Haradinaj doli kundër vendimit të Qeverisë për të shkarkuar një mekanizëm brenda Policisë së Kosovës i krijuar me vendim të Kryeministrit në vitin 2010.
https://www.facebook.com/avdullah.hoti/posts/3768369939890999
Kjo task forcë kishte nisur arrestimin e figurave publike të profilit të lartë që dyshoheshin për korrupsion. Në shënjestër të tyre ishin edhe së paku tre kryetarë komunash.
https://www.facebook.com/RamushHaradinajOfficial/posts/2186788014778934
Kundër shuarjes së kësaj task force kanë dalë edhe vendet e BE’së.