Zyrtari i lartë i LDK-së, njëherit shef i kabinetit të ministrit Veliu, Bajram Gecaj ka ironizuar me deklaratat e kreut të VV-së, Albin Kurti për rezultatin e zgjedhjeve të 14 shkurtit.
- Advertisement -
Me anë të një postimi në Facebook, Gecaj i është referuar Kurtit me mbiemrin “Zogu”, duke thënë se nuk “çuditet” nëse ai dëshiron aq vota sa ta shpallë veten mbret.
“Qysh ja kanë nisë me u hapareshë, nuk befasohem fare nëse Albin Zogu ka në plan të fitojnë numrin e mjaftueshëm të votave për të shpallë veten mbret … paramendojeni një mbret majtist”, ka thënë ai.
Reagimi i Gecajt vjen pas arritjes së marrëveshjes mes Albin Kurtit dhe Vjosa Osmanit për garim të përbashkët në zgjedhje.