Procesi i reformimit të Partisë Demokratike Socialiste (DPS) të Malit të Zi duhet të përfundojë në mënyrë që partia t’i përball me sukses sfidat që e presin në periudhën e ardhshme, tha lideri Milo Gjukanoviq, duke shtuar se do të ketë edhe ndryshime në kreun e Qeverisë.
Presidenti malazez, Gjukanoviq tha se është e sigurt që qeveria aktuale do të bëhet e kaluar më 4 shkurt, raporton rtcg.
“Gjukanoviq theksoi se ne mund të krenohemi me kontributin që DPS-ja ka dhënë në 18 muajt e fundit në fushën e zhvillimit demokratik të shoqërisë dhe se kemi arritur të zmbrapsim sulmin e nacionalizmit serbomadh dhe gjatë gjithë kohës, dhe nga opozita, të marrë parasysh në mënyrë adekuate interesat shtetërore”, thuhet në deklaratën e DPS-it.
Theksojmë se në muajin shkurt janë paraparë tre seanca parlamentare malazeze – shkarkimi i zëvendëskryeministrit Dritan Abazoviq, shkurtimi i mandatit të Kuvendit dhe e fundit, mocioni i votëbesimit ndaj qeverisë së udhëhequr nga kryeministri Zdravko Krivokapiq.
Ndryshe, Abazoviq ka pohuar në disa raste se kërkon një qeveri të pakicë ndërsa kohët e fundit po refuzon edhe mbledhjet e thirrura nga Krivokapiq.
Ky i fundi tashmë ka nisur shkarkimin e disa zyrtarëve shtetëror dhe ka marrë nën kontroll disa ministri.