Deputetit të Vetëvendosjes, Gazmend Gjyshincës, nuk i është lejuar hyrja në shtetin e Norvegjisë. Por, cila ishte arsyeja?
Këtë e ka konfirmuar për Periskopin vetë deputeti Gjyshinca, i cili bëri me dije që është kthyer dhe nuk ka mundur të hyjë në Norvegji sepse çertifikata digjitale e Kosovës nuk është pjesë e Bashkimit Evropian (BE).
“Kam qenë për vizitë te familja në Suedi, dhe kam planifikuar te vazhdoj edhe në Osllo të Norvegjise. Mirëpo nga autoritetet norvegjeze më është bërë e ditur se ata nuk e njohin çertifikaten digjitale të vaksinimit të lëshuar nga Republika e Kosovës me arsyetimin se shteti ynë nuk eshte pjese Bashkimit Evropian dhe çertifikata në fjalë nuk është e njejtë ”EU DIGITAL COVID PASS. Pastaj jam kthyer në Suedi/Gothenburg tek familja ime që jeton atje, ku kam vazhduar qëndrimin edhe për disa ditë të pushimit tim vjetor nga Kuvendi i Kosoves.”, ka thënë ai për Periskopin.
Përveç deputetit, edhe shumë qytetarë të Kosovës që po udhëtojnë jashtë vendit po kanë vështirësi dhe po iu mohet hyrja në disa shtete evropiane, si pasojë e mos-njohjes së çertifikatës së vaksinimit.
E për këtë problem, Gjyshica i VV-së ka thënë se Ministria e Shëndetësisë ka filluar punën për standardizimin e këtyre çertifikatave.
“Ky është një problem për të cilin kemi marrë shumë ankesa nga qytetarët tanë që udhëtojnë nëpër Evropë. Te cilën e kam adresuar menjëherë të institucionet tona. Dhe për këtë ministria jonë e shëndetesisë ka filluar punën për standartizimin e çertifikatave tona të COVID me ato të Bashkimit Evropian.”, ka thënë ai.
Ndryshe në vendin tonë deri më tani janë vaksinuar mbi 1 milonë banorë./Periskopi/