Ish i dërguar special i Presidentit Trump për dialogun mes Kosovës dhe Serbisë, Richard Grenell ka kundërshtuar idenë për zgjerimin e shteteve të NATO-s.
Përmes një cicërime në Twitter, Grenell e kundërshtoi idenë për zgjerimin e shteteve të NATO’s duke thënë se anëtarët aktualë nuk po i kryejnë obligimet e tyre të zotimit të Uellsit.
“Ne NUK duhet të flasim për zgjerimin e anëtarësimit në NATO kur anëtarët aktualë nuk po paguajnë as detyrimet e tyre të zotimit të Uellsit”,shkroi Grenell.
Me këtë cicërimë Grenell dëshmoi se është në një linjë të mendimeve me presidentin rus, Putin.
Kujtojmë se, Presidenti rus, Vladimir Putin, i ka bërë thirrje NATO-s që të mos zgjerohet në Ukrainë apo në ndonjë ish-republikë tjetër sovjetike. Putin pretendon se fuqitë perëndimore po përdorin aleancën e mbrojtjes së NATO-s për të minuar Rusinë. Njësoj sikur Putin, edhe Kina ka akuzuar NATO-n se përkrah një ideologji të Luftës së Ftohtë.
Kujtojmë se rreth dy ditë më parë Finlanda dhe Suedia kanë njoftuar se shumë shpejt do të aplikojnë për t’u anëtarësuar në NATO.
We should NOT be talking about expanding NATO membership when the current members aren’t even paying their Wales Pledge obligations.
— Richard Grenell (@RichardGrenell) May 13, 2022