Të dielën u raportua për një rast të dhunimit që u denoncua dje në stacionin policor në Ferizaj, ku një grua raportoi se ka kryer marrëdhënie intime me një person, pa dëshirën e saj.
Policia fillimisht nuk arriti ta identifikojë të dyshuarin, ndërsa rasti u iniciua si “dhunim”. Por nuk shkoi shumë kur i njëjti u kap dhe u intervistua në Polici.
Burimet e Sinjali brenda Prokurorisë kanë dhënë detaje nga intervistimi i të dëmtuarës dhe të dyshuarit lidhur me rastin.
Fillimisht, viktima ka deklaruar para hetuesve policorë se gjithçka ndodhi në një motel në magjistrale, ku sipas saj i dyshuari kreu marrëdhënie se*ksuaIe me të, pa dëshirën e saj. Ajo ka thënë se me të dyshuarin është njohur në banesën e saj, pasi i njëjti kishte shkuar aty për t’i rregulluar diçka.
Sipas saj, rasti ndodhi më 8 prill, kur bashkë me të dyshuarin dolën në mbrëmje për të blerë drita ‘Led’, por që përfunduan në një motel.
Siç mëson Sinjali, rastit i parapriu një mosmarrëveshje që palët kishin mes vete, për punët që i dyshuari kishte kryer në banesën e VlKTlMËS, e për të cilat ende s’është paguar.
Gjithë denoncimin e gruas nga Ferizaj, e ka mohuar i dyshuari. I njëjti ka thënë se nuk është e vërtetë që e ka dhunuar denoncuesen dhe se i mohon deklaratat e të njëjtës.