Nënkryetari i Listës Serbe Igor Simiç, ka dënuar ashpër “raportin diskriminues ndaj medieve serbe”, pas publikimit të njoftimit se nuk kishte vend për mediet në këtë gjuhë në konferencën e mbajtur pas takimit të kryeministrit Kurti me të dërguarin amerikan edhe atë evropian Eskobar dhe Lajçak, shkruan “Novosti”.
‘Çfarë sjellje e turpshme ndaj medieve që raportojnë në gjuhën serbe! Ndonëse, kjo është edhe e shprehje e respektimit të drejtave të njeriut të popullit serb në Kosovë. Më së ashpëri dënojmë raportin diskriminues ndaj medieve serbe”, ka shkruar Simiç në rrjetin social Facebook.
Simiç me këtë rast ka shpërndarë edhe lajmin e portalit Kosovo-online, që u publikua se në konferencën e mbajtur pas takimit të Kurtit me Eskobar e Lajçak, nuk ka pasur vend për mediet në gjuhën serbe.
Siç thuhet në njoftimin nga ky portal, në konferencën me gazetarë kanë marrë pjesë 5 media në gjuhën shqipe, ndërsa tjerat, ku ndodheshin edhe tri ekipe serbe që raportojnë në gjuhën serbe nuk janë lejuar të marrin pjesë nga njerëzit e protokollit qeveritar, për shkak të epidemisë.
Këto media nuk kanë njoftuar se me kërkesën e protokollit por edhe vetë të dërguarve amerikan edhe evropian, numri i pjesëmarrësve nga gazetarët të jetë i kufizuar konform me masat e marr për luftimin e Covid19.