Ish-kryetari i LDK’së Isa Mustafa ka folur për kohën sa ka udhëhequr me këtë parti. Thotë se gjatë kësaj kohe, asgjë në vend nuk është bërë pa LDK’në.
Mustafa është i ftuar në emisionin Pressing në T7.
- Advertisement -
“Unë e kam marrë LDK’në diku në 128 mijë vota. E kam sjell në 205 mijë në zgjedhjet e parafundit. Gjithmonë kemi shkuar në rritje. Nuk kemi arritur gjatë asaj periudhe të dalim parti e parë. Konkurrente kryesore me LDK’në. Aty jemi sjell diku”, tha Mustafa.
“Ndoshta, në zgjedhjet e para ne kemi dal e para por ka qenë ajo koha e abuzimit masiv, ose vjedhjeve industriale që janë cilësuar edhe nga ndërkombëtarët”, tha Mustafa.
Partia është konsoliduar mirë, kemi pasur rol të rëndësishëm. Asgjë s’është bërë në Kosovë pa LDK’në, pa involvimin e LDK’së dhe pa kyçjen e drejtpërdrejt të LDK’së gjatë asaj periudhe”, shtoi Mustafa.