Ish-ministri i Zhvillimit Ekonomik, Valdrin Lluka, sot gjatë ditës në llogarinë e tij zyrtare në twitter ka thënë se bashkë me familjen e tij ka marrë vaksinën ruse anti-covid.
“Familja ime dhe unë e kemi marrë vaksinën ruse për COVID-19 dhe nëse jeni të frikësuar që ajo nuk është testuar, unë e kam provuar dhe jam i lumtur të raportoj që nuk ka ndonjë efekt anësor”, kishte shkruar Lluka.
Megjithatë i gjithë ky shkrim ka qenë një ironizim i ish-ministrit, të cilin është detyruar që më pas ta sqarojë edhe përmes llogarisë së tij zyrtare në ‘facebook’.
“Vaksina ruse ishte një shaka dhe është një lajm i rremë. Mos shkruani rreth saj sikur të ishte e vërtetë”, ka sqaruar më pas ish-ministri.
Russian vaccine was a JOKE and it is a FAKE NEWS 🙂 Stop writing about it as if it was true! 🙂 https://t.co/ReSJe4uYty pic.twitter.com/rJERPPZhsE
— Valdrin Lluka (@Valdrin) August 14, 2020