Italia mbyll kufijtë për Kosovën, Serbinë e Malin e Zi

Italia bllokon hyrjen në territorin e saj të çdo personi që vjen nga Kosova, Serbia e Mali i Zi.

Ministri i Shëndetësisë, Roberto Speranza, ka firmosur sot urdhëresën e futjes së Kosovës, Serbisë e Malit të Zi si vende rrezik pandemie.

Kush ka qënë në këto vende gjatë 14 ditëve të fundit ndalohet të hyjë apo të transitojë në Itali.

“Në botë pandemia është në fazën e saj me të ashpër” thotë Ministri i Shëndetësisë Speranza.

“Duhet kujdes maksimal për të mbrojtuar rezultatet e arritura deri më sot.”