Fluturimet në aeroportin Ndërkombëtar të Prishtinës “Adem Jashari” ishin ndërprerë qysh në muajin mars, për shkak të pandemisë së koronavirusit.
Pas katër muajve, aeroporti u hap javën e kaluar për udhëtarë.
Si pasojë e kësaj shumë kosovarë që kishin shkuar të vizitojnë vendet evropiane kishin mbetur atje, e shumë nga diaspora u desh t’i anulojnë pushimet në vendlindje.
Mirëpo, në ditën e parë të hapjes së aeroportit, më 28 qershor, kishin ardhur afro 3 mijë udhëtarë në Republikën e Kosovës.
Ndërsa, 885 të tillë janë larguar nga këtu.
Për tre ditë, që nga 28 deri më 30 qershor, Aeroporti i Prishtinës u kishte shërbyer 9393 udhëtarëve, që kanë pasur 93 fluturime në ardhje dhe vajtje.
Kështu bëri të ditur për IndeksOnline, zëdhënësi i aeroportit “Adem Jashari”, Bujar Gashi.
Sipas të dhënave që ka marrë IndeksOnline, për tre ditë rresht intensiteti i të arriturve në Kosovë ishte thuajse i njejtë.
“ Më 28 qershor kanë ardhur 2993 udhëtarë, 885 në shkuarje, më 29 qerdhor 2027 në ardhje, 400 në shkuarje, e 30 qershor 2429 në ardhje e 594 në shkuarje”.
Sipas Gashit, Zvicra dhe Gjermania mbeten vdenet me numrin më të madh të fluturimeve për në Aeroportin e Kosovës.
“Që nga hapja e Aeroportit , ne ju kemi shërbyer 9393 udhëtareve, dhe kemi pasur 93 fluturime ne ardhje dhe në shkuarje.
Në ditën e parë (28.05.2020) kemi pasur 3878 udhëtare ( 2993 në ardhje ) dhe (885 në shkuarje).
Zvicra dhe Gjermania mbeten vendet me numrin më të madh të fluturimeve për nga Aeroporti i Prishtinës.
Ne presim gjatë javes që listës së destinacioneve ekzistuese t’i shtohet Londra ( Heathroë Airport) nga kompania a famshme ajrore British Airëays”, tha ai.