Mehmet Kuruc në Mynih ka një restorant të vogël turk. Ai ka mahnitur publikun me një mbishkrim që ka vendosur në derën e restorantit të tij.
Mehmeti, të cilin shumica e thërrasin ‘Memo’, është një ish-biznesmen nga Stambolli, i cili pas dy martesave të dështuara dhe mossuksesit në biznes, ishte aq i varfër dhe i dëshpëruar sa që u detyrua të ndërhyj në kursimet e fëmijëve të tij.
Kur erdhi në Gjermani, vendosi të hap një lokal të vogël në Mynih. Dalëngadalë filloi t’i kthehej vullneti e dëshira për të jetuar, dhe biznesi filloi t’i ecë për sëmbari. Pasi u forcua financiarisht, Mehmeti bëri diçka që shumica nuk do ta bënin në lokalin e tyre. Ai vendosi një mbishkrimin në derë të restorantit, ku shkruante:
“Të dashur njerëz, nëse jeni të uritur dhe nuk keni para? Tek ne mund të ushqeheni dhe të paguani më vonë. Zoti ju bekoftë. Askush nuk duhet të jetë i uritur!”
Reagimet për këtë gjest ishin të shumta. Shpeshherë katër apo me shumë persona ushqehen, pagesën e bëjnë më vonë. Vetë gjesti i Mehmetit e ka bërë që shumë njerëz ta duan dhe ta urojnë për këtë vepër të veçantë.