Kampi Bondsteel ka shpallur konkurs për specialist administrativ, me pagë mujore në vlerë një mijë e 900 euro.
Kushtet për aplikuesit për këtë pozitë janë që të ketë të përfunduar shkollimin e mesëm, dhe formim profesional për administratë, financa ose kontabilitet.
- Advertisement -
Po ashtu duhet të kenë përvojë pune minimum 2 vjeçare në këtë drejtim, mundësisht në organizata, thuhet në kriteret e konkursit.
“Duhet të kenë njohuri pune, aftësi për të punuar në grup, njohuri të mira në gjuhën shqipe dhe angleze, të kenë njohuri të gjuhës serbe”, thuhet në konkurs.
Konkursi është i hapur deri më 17 nëntor.
- Advertisement -
Kampi Bondsteel është baza kryesore e Ushtrisë së Shteteve të Bashkuara të Amerikës në Kosovë, që është nën komandën e KFOR-it, dhe është e vendosur në Ferizaj.