Një incident trishtues ka ndodhur në ndeshjen e grupit B në Kampionatin Evropian, mes Danimarkës dhe Finlandës. Kah fundi i pjesës së parë Christian Eriksen ka humbur ndjenjat në fushë. Por, i shpejtë ka qenë reagimi i kapitenit danez, Simon Kjær.
Kapiteni Kjær me të parë shembjen e Eriksenit në fushë nxitoi ta kthejë në krahë në mënyrë që lojtari të mos e përpijë gjuhën.
Me këtë gjest, kapiteni kreu “detyrën” e tij si lider i skuadrës edhe jashtë konturave të lojës.
E reagimet në rrjete sociale nga e gjithë bota kanë lavdëruar veprimin e kapitenit.
Respect for Anthony Taylor for his quick reaction on what had to be done. And salute for Simon Kjær for making sure Eriksen didn’t swallow his tongue when he collapsed. Absolute heroes 👊🏻#EURO2020 pic.twitter.com/D1C7CwLPbD
— 𝙥𝙖𝙖𝙣 🇵🇸 (@paanized) June 12, 2021
Eriksen ishte duke ecur teksa u rrëzua në fushë, dyshimet e para janë se mund të ketë pësuar sulm në zemër. Menjëherë ka reaguar stafi mjekësor i Danimarkës duke i dhënë ndihmën “ringjallje kardiopulmonare”.
Gjendja shëndetësore e mesfushorit ofanziv të kombëtares së Danimarkës është stabile, ka bërë të ditur UEFA.
Nëpërmjet një postimi në llogarinë e tyre zyrtare, ata kanë njoftuar për gjendjen e Eriksen, i cili pësoi sulm kardiak në fushë në fund të pjesës së parë, shkruan Gazeta Express.
“Lojtari është transferuar në spital dhe është stabilizuar”, thuhet ndër të tjera në postimin e UEFA.
Ata tutje kanë bërë me dije edhe se përfaqësuesit e kombëtares së Danimarkës dhe asaj të Novergjisë do të kenë një takim emergjent lidhur me ndeshjen.
Kah fundi i pjesës së parë Christian Eriksen humbi ndjenjat në fushë.
Ai ishte duke ecur teksa u rrëzua në fushë, dyshimet e para janë se mund të ketë pësuar sulm në zemër. Menjëherë ka reaguar stafi mjekësor i Danimarkës duke i dhënë ndihmën “ringjallje kardiopulmonare”.
Ndeshja fillimisht u ndërpre për më se 10 minuta dhe më pas u pezullua krejtësisht.
Më poshtë ju lëmë me disa fotografi të shkrepura në fushë nga ngjarja që trishtoi botën.
