Këshilltarja e kryeministrit në detyrë të Kosovës, Fëllanza Podrimja e ka quajtur gazetarin Baton Haxhiu këshilltar të presidentit, Hashim Thaçi, derisa ka shpërndarë deklaratën e tij ku flet për amnisti të krimeve të luftës. Për këtë çështje kanë reaguar nga presidenca.
Podrimja ka shkruar në Twitter se edhe njëherë një këshilltar i presidentit ka dëshmuar se është i dobët, kur flet për çështjet juridike.
Ajo thotë se amnistimi i krimeve të luftës nuk mund të ndodhë.
“Edhe një herë një këshilltar i presidentit dëshmon se është i dobët kur vjen fjala te cështjet juridike. Aministia për krimet e luftës, apo krimet kundër njerëzimit nuk mund të ndodhë. E drejta ndërkombëtare e ndalon këtë. Një marrëveshje e tillë në mes të Kosovës dhe Serbisë do të ishte e pavlefshme”, ka shkruar ajo.
Once again a president’s adviser proves weak when it comes to legal questions. Amnesty for war crimes or crimes against humanity cannot happen. International law prohibits this. Such a treaty between Kosova and Serbia would be void. https://t.co/q4PIsNLlrN
— Fëllanza Podrimja (@FPodrimja) April 26, 2020
Ndaj kësaj deklarate të këshilltares së kryeministrit në detyrë të Kosovës, ka reaguar, këshilltari i presidentit, Artan Behrami.
Nga zyra e presidentit të Kosovës, Hashim Thaçit kanë deklaruar se një pretendim i tillë i këshilltares së Kurtit është propagandë.
“Ky njeri nuk është këshilltar i presidentit. Ajo cka ju jeni duke bërë është se po provoni që të tërhiqni vëmendjen nga skandali i këshilltarit të Kurtit, që e ka akuzuar UCK’në për krime të luftës, duke përdorur një koment të një gazetari që nuk ka asnjë lidhje me institucionet”, ka shkruar në Twitter, këshilltari i Thaçit.
Propaganda at its best. That man is not an advisor of the President. What you’re doing is just an attempt to draw attention from the scandal of Kurti’s advisor accusing KLA for war crimes by using a comment of a journalist who has nothing to do with the institutions. https://t.co/nk3tbIKtEq
— Artan Behrami (@artanbehrami) April 26, 2020