Kisha Ortodokse e Serbisë ka organizuar një ekskursion të fëmijëve nga Serbia në Cetinë të Malit të Zi që nxiti incident pastaj pas provokimeve të priftërinjve serb që i shtynë fëmijët të këndojnë këngë për ‘Serbinë e Madhe’.
Sipas raportit të gazetarit të portalit malazez Cafe Montenegro, Ljubomir Filipovic, ishin pikërisht priftërinjtë serbë që i nxisnin fëmijët të këndojnë e vallëzojnë duke kënduar këngë fashiste serbe si ‘Veseli se srpski rode’, me pretendime të zgjerimit të Serbisë në Mal të Zi e Kosovë.
1/ Yesterday, Serbian church brought kids from Serbia to Cetinje. Priests were dancing with kids and singing a nationalist song “Veseli se srpski rode” about Serbian flag waving over Kosovo and Montenegro. pic.twitter.com/gI1AnTe3KC
— Ljubomir Filipović (@ljubofil) April 26, 2022
Filipovic ka shkruar në konton e tij në Twitter se ky provokim siç e cilësoi kreu punë pasi banorët e Cetinës u ballafaquan me priftërinjtë serbë dhe i protestuan sjelljet e tyre. Dikush ka hedhur edhe gurë në drejtim të njërit prej autobusëve të marra me qira nga kisha serbe.
Mali i Zi ishte në krizë të vazhdueshme pas protestave të nxitura e prira nga Kisha Ortodokse Serbe në vitin 2019 e 2020 që erdhën si rezultat i pretendimeve të tyre se qeveria e kaluar kishte synim t’i vidhte pronat kësaj kishe me ligjin e ri të komuniteteve fetare.
Si rezultat i pandemisë vdiq Mitropoliti kontrovers ultranacionalist i Kishës Ortodokse Serb i Malit të Zi, Amfilohije, që ishte prijësi kësaj lëvizje. Ai u zëvendësua nga mitropoliti i ri në Cetine verën e kaluar, ceremoni gjatë të cilës kishte trazira në Cetine mes malazezëve dhe serbëve.