Partia e Albin Kurtit, Vetëvendosja ka arritur që të sigurojë numrin më të madh të votave në zgjedhjet e 14 shkurtit në histori të Kosovës, e gjithashtu ka arritur edhe numrin më të madh të deputetëve ndonjëherë, 58 sosh.
Nëse llogaritet vetëm vota shqiptare pra vetëm 100 ulëse në Kuvend i bie që Lëvizja Vetëvendosje ka siguruar 437 mijë e 741 vota ose përkthyer në përqindje 56.10 për qind të votës shqiptare.
- Advertisement -
Partia Demokratike e ka fituar 18.94 për qind të votës shqiptare ose 147 mijë e 751 vota, pasuar nga Lidhja Demokratike e Kosovës me 14.19 për qind ose 110 mijë e 738 vota.
AAK ka fituar 7.95 për qind ose 62 mijë e 22 vota
NISMA ka fituar 2.82 për qind të votës shqiptare ose 22 mijë e 66 vota.
- Advertisement -
Kuvendi i Kosovës përbëhet prej 120 deputetëve, 100 shqiptarë, 10 serb dhe dhjetë deputet nga pakicat tjera.
Sot Komisioni Qendror i Zgjedhjeve do të bëjë shpalljen e rezultateve përfundimtare të zgjedhjeve.