Para se të hynte në politikë, presidenti aktual i Ukrainës, Volodymyr Zelensky ishte një komedian dhe aktor, dhe një nga rolet e tij më të njohura ishte në satirën politike televizive “Shërbëtori i Popullit”.
Tashmë në rrjetet sociale ka nisur të përhapet një video nga fillimi i karrierës komike të presidentit aktual ukrainas, e realizuar në fillim të viteve 2000. Në një emision, ai bëri shaka për Vladimir Putinin, ndërsa presidenti rus ishte ulur pikërisht përballë tij.
“Putin së fundmi mori një letër ku thuhej: ‘Numëroni nëntë herë popullsinë tuaj dhe do të jeni të lumtur’”, tha Zelensky me shaka më shumë se 20 vjet më parë, shkruan telegram.hr.
Ndërsa publiku iu përgjigj shakasë me të qeshura dhe duartrokitje entuziaste, Putini nuk iu bashkua duartrokitjeve dhe vetëm qeshi i thartë. Në atë kohë, Putin ishte në mandatin e tij të parë në krye të Rusisë.
Zelensky gjithashtu i lidhi letrat me regjistrimin e atëhershëm të kryer, i pari që nga rënia e BRSS. Sipas regjistrimit, Rusia ka përjetuar një rënie të madhe të popullsisë, kështu që Zelensky sugjeroi që Putini do të ishte më i lumtur me rezultatin nëse do të numëronte rusët e mbetur nëntë herë.
ААААА pic.twitter.com/R9TL9gDTNb
— Пётр Верзилов (@gruppa_voina) March 25, 2022