Muhamet Krasniqi, i njohur si Komandant Malisheva, është kthyer në Burgun e Idrizovës, pas lirimit nga Spitali i Shkupit, ku qëndroi për disa ditë për shkak të sulmit kardiak që pësoi më 30 dhjetor.
Ka qenë vetë Krasniqi që ka dhënë njoftimin nëpërmjet Facebookut.
Ju faleminderit, në këto momente foton e bëra për të ju treguar se e munda infarktin”, ka shkruar Krasniqi.
Lajmin për lirimin e Komandant Malishevës e ka dhënë në Facebook edhe bashkëvuajtësi i tij, Fatmir Reçica.
“Sot me bashkëluftëtarin Komandant Malisheva. Para pak orësh është liruar nga spitali dhe u bashkua me ne shokët e idealit që gjendemi në Burgun e Idrizovës”, ka shkruar ai duke publikuar edhe një fotografi. “Nuk e dija nëse do mund ta përqafoja pas atij operacioni të vështirë. Falë Zotit, sot është mirë dhe jashtë çdo rreziku për jetën”.
Komandant Malisheva është i dënuar me burg të përjetshëm, për ngjarjet e majit të vitit 2015 në Lagjen e Trimave në Kumanovë.
Lajmin për shtrimin e tij në spital dhe sulmin kardiak të Komandant Malishevës e ka dhënë i vëllai i tij, Dardan Krasniqi më 30 dhjetor.