Komisioni Evropian është i vendosur të propozojë një plan veprimi për një dalje të koordinuar të bllokimit të koronavirusit nëpër Evropë.
Plani i propozuar – i parë nga CNN – thotë se masat për të ngadalësuar përhapjen e virusit “kanë ardhur me një kosto dramatike për ekonominë dhe shoqërinë tonë, dhe nuk mund të zgjasin pafundësisht.”
Komisioni pritet të dërgojë planin në vendet anëtare të BE-së më vonë të martën dhe ta paraqesë atë të mërkurën.
Zëdhënësi i Komisionit Evropian, Eric Mamer i tha CNN-së të martën: “I takon shteteve anëtare, është detyra e tyre të përcaktojnë kur duan të marrin masa kufizuese dhe kur duan të lëvizin jashtë nga masat kufizuese.”
Plani thekson se janë dy kritere kryesore për të vlerësuar nëse ka ardhur koha për të filluar të pushojnë kufizimet: A është zvogëluar përhapja e sëmundjes në mënyrë të konsiderueshme për një periudhë të qëndrueshme? Dhe a kanë sistemet e kujdesit shëndetësor mjaft kapacitet për të përballuar nëse numrat e rasteve do të rriteshin përsëri?
Plani kërkon një strategji daljeje të bazuar në shkencë, të koordinuar midis vendeve anëtare me “respekt dhe solidaritet”.
Ai thotë se një strategji e suksesshme e daljes do të varet gjithashtu nga masat që janë përmbushur, duke përfshirë një kapacitet të zgjeruar të testimit të koronavirusit për të matur ngjitjen dhe imunitetin e popullatës, së bashku me një sistem “të harmonizuar” dhe “të fortë” për gjurmimin e kontaktit.
Ai vëren se dalja duhet të jetë graduale, duke filluar në nivelin lokal. Takimet e njerëzve gjithashtu duhet të lejohen gradualisht.
“Sapo faza e daljes të implementohet me sukses, faza tjetër do të ishte rimëkëmbja, në të cilën ekonomia duhet të marrë ritmin dhe të kthehet në një rrugë të rritjes,” përfundon dokumenti katërfaqësh.
“Ajo që ne kemi punuar gjatë javëve të kaluara është një udhërrëfyes me rekomandime, për të siguruar që kur ata fillojnë të lëvizin nga këto masa kufizuese, ata e bëjnë këtë në një mënyrë të efektshme,” tha Mamer.