Një ligjvënës republikan që refuzonte rregullisht të vishte maskën gjatë punimeve të Kongresit dhe kishte qenë edhe në Teksas me presidentin amerikan, Donald Trump, rezultoi pozitiv për koronavirusin, konfirmoi vetë ai.
”Louie Gohmert rezulton pozitiv”, raportoi ”Politico”, duke cituar burime të shumta.
- Advertisement -
Gohmert më vonë konfirmoi se ai pati një test të shpejtë gjatë hyrjes në Shtëpinë e Bardhë, të mërkurën, që rezultoi pozitiv, dhe një tjetër test më vonë që ishte gjithashtu pozitiv.
”Jam asimptomatik, por me sa duket unë kam virusin Wuhan”, tha ai duke përdorur një term që Trump thoshte për të përshkruar virusin që u zbulua për herë të parë në qytetin kinez Wuhan.
Të paktën shtatë ligjvënës të tjerë në Shtëpinë e Bardhë dhe Senat kanë rezultuar pozitiv deri më tani, së bashku me të paktën tre persona që kanë punuar në Shtëpinë e Bardhë.